Charter Document - 08040151
| Charter Number: | 08040151 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1216 - 1250 |
| Date type: | Assigned |
| Resource Link(s): |
|
Charter:
Omnibus Christi fidelibus presentem cartam visuris vel audituris Agnes de Mapelton priorissa de Killing et eiusdem loci conuentus salutem Noueritis nos dedisse concessisse et hac carta nostra confirmasse Stephano de Ouistwic et heredibus suis terciam partem unius sellionis jacentis in clauso Amandi filii Raineri de Ouistwic scilicet in medio dicti sellionis qui quidam sellio jacet inter sellionem Amandi Cheremi et terram abbatis de Melsa et unam buttam terre in Littelfrith in territorio de Ouistwic Hec omnia tenenda et habenda dicto Stephano et heredibus suis de nobis et successoribus nostris cum omnibus pertinentiis suis et aisiamentis libere quiete ab omni seculari seruicio exactione et demanda cum libero introitu et exitu infra uillam et extra Reddendo inde annuatim nobis et successoribus nostris tres denarios ad duos terminos per partes equales scilicet ad Pascha et ad festum sancti Michaelis pro omni seruicio et demanda Nos autem dictam terram cum suis pertinenciis pro predicta firma dicto Stephano et heredibus suis uel assignatis contra omnes homines warantizabimus et defendemus quamdiu per cartam nostri donatoris nobis possit warantizare In cuius rei testimonium presenti carte sigillum nostrum apposuimus Hiis testibus Symone de Prestona domino Yuone clerico magistro de Killing Johanne de Rose Martino de Grimeston Amando de Fitling Johanne filio eius et aliis