Charter Document - 08040147
| Charter Number: | 08040147 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1199 - 1216 |
| Date type: | Assigned |
| Resource Link(s): |
|
Charter:
Sciant presentes et futuri quod ego Michael Belet dedi et concessi et hac carta mea confirmaui Walkelino de Caneton pro homagio et seruicio suo unam virgata terre cum pertinenciis in manerio de Scenes scilicet illam quam Woluiua vidua tenuit et dimidiam virgata quam Gaufridus Dipere tenuit in eadem villa habendam et tenendam sibi et heredibus suis de me et de heredibus meis libere et quiete integre et honorifice reddendo inde annuatim ipse et heredes sui mihi et heredibus meis unum par calcarium deauratorum ad Pascha pro omni seruicio excepto seruicio regali quod ad tantum terre pertinet Et ut donacio mea rata sit inposterum eam carta mea cum sigilli mei apposicione confirmaui His testibus Herberto de Alencon Roberto de Cokefeld Ricardo de Sipeton Gileberto Maudut Roberto de Wilmedon Phillippo de Bernes Nicholao de Sancto Germano Ricardo de Wilmendon Henrico de Campo florido et multis aliis