Charter Document - 08040126
| Charter Number: | 08040126 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1196 - 1223 |
| Date type: | Assigned |
| Resource Link(s): |
British Library - Harley Ch 45 E 33 () |
Charter:
Nouerint presentes et futuri quod ego Matildis de Auberuill consilio et assensu Hugonis filii mei fide ipsius et mea interposita concessi et hac carta mea confirmaui monachis de Boxleia totum mariscum a fleto molendini nostri de Sandwico usque ad terram de Wodnesberge scilicet xxxv acras et dimidiam cum omnibus pertinentiis suis pratis uidelicet wallis et fletis cum libera esseaweria ubi melius poterint saluare terram suam per medium salsum mariscum nostrum qui exterius iacet cum terra etiam exterius sumenda ad wallas faciendas et reficiendas integre libere et quiete plenaria honorifice et pacifice tenendum de me et heredibus meis hereditarie per xxiij solidos et viij denarios annuatim reddendos nobis et heredibus nostris ad duos terminos anni scilicet xj solidos et x denarios infra octauas sancti Michaelis et xj solidos et x denarios infra octauas Pasche pro omni seruicio super ipsum tenementum pacandos Ad successionem uero heredum Hugonis de Auberuill dabunt predicti monachi dimidiam marcam de releuio Et sciendum quod ego et heredes mei warantizabimus prefatis monachis predictum mariscum per prenominatum seruitium de omnibus aliis seruiciis et de mandis contra omnes homines Pro hac autem concessione dederunt mihi predicti monachi xl solidos in gersuma Hiis testibus Willelmo abbate de Ponte Roberti Dunstano priore de Sancto Gregorio Cant magistro Firmino Ricardo Rudien Jacobo et Willelmo sacerdotibus de Sandwico Roberto de Gosehale Henrico de Sandwico Roberto de Fleg Henrico Taunere Willelmo de Boklaund Jordano de Ruberge Thome filio eius Angero de Sandwico Wiberto de Sandwico et multis aliis