Charter Document - 08040116
| Charter Number: | 08040116 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1207 - 1217 |
| Date type: | Assigned |
| Resource Link(s): |
|
Charter:
Ranulphus comes Cestrie constabulario dapifero justiciariis vicecomitibus et omnibus baronibus suis ministris et balliuis et omnibus hominibus suis presentibus et futuris presentem cartam inspecturis et audituris salutem Sciatis me dedisse et concessisse et presenti carta mea confirmasse deo et beate Marie de Bordeslea et monachis ibidem deo seruientibus in puram et perpetuam elemosinam pro salute anime mee et antecessorum meorum quietanciam tholneti et omnium consuetudinum de omnibus que predicti monachi et homines sui emerint aut uendiderint in villa Cestrie ad proprios usus ipsorum monachorum Et prohibeo super foris facturam meam decem librarum ne aliquis predictis monachis aut eorum hominibus de predicta quietancia grauamen aut disturbacionem inferre presumat Hiis testibus Philippo de Orreb tunc justiciario Cestrie Roberto de Quinci Petro clerico Waltero de Dayuilla Roberto fratre suo Henrico dispensario Aluredo de Sullinngny Willelmo de Haslewell Elya pincerna Johanne de Bartona Alano capellano et multis aliis