Charter Document - 08040114

Sciant et presentes et futuri quod ego Robertus Arsic statui terram in Coges de meo dominico scilicet a terra episcopi Wintoniensis usque ad Claicrofte monachorum de Coges ex utraque parte regalis vie scilicet Waltero de la Wike duas acras super croftum domine propinquas terre episcopi Wintoniensis pro sex solidis sterlingorum quos mihi dedit in gersumma reddendo inde mihi annuatim et heredibus meis ipse et heredes sui pro omni seruicio et exaccione et pro omnibus rebus duos solidos ad duos terminos anni scilicet ad festum sancti Michaelis duodecim denarios et ad festum beate Marie in Marcio duodecim denarios Et ipse Walterus et heredes sui tenebunt duas predictas acras de me et heredibus meis honorifice libere in bosco et plano in viis et semitis pratis et pascuis quiete de secta halimoti et pannagio porcorum cum omnibus libertatibus et liberis consuetudinibus Et idem Walterus et heredes sui facient regale seruicium quantum pertinebit de tanto tenemento Et ego Robertus Arsic et heredes mei warantizabimus predictam terram predicto Waltero et heredibus suis contra omnes homines et feminas Et ipse predictus Walterus edificabit domum super quamlibet acram quas tenebit super predictam terram Et ut hec donacio et concessio rata et stabilis inperpetuum permaneat presenti scripto sigillum meum apposui in testimonium Et eadem condicione et eadem libertate Ricardus de Burton tenet duas acras super croftum domine Johannes molendinarius ibidem dimidiam acram Reginaldus filius Emelote ibidem unam acram Godwinus de Akne ibidem unam acram Hugo molendinarius super croftum domine et super Borhill tres acras Willelmus de Cenindon super Borhill duas acras Simon de Benseia super croftum domine et super Borhill unam acram et dimidiam Walterus de la Wike ibidem unam acram Johannes de Lewes ibidem duas acras Willelmus Albus ibidem unam acram Simon le Tai ibidem unam acram Philippus filius Gerardi ibidem tres acras Simon Teytor ibidem unam acram Stephanus le Vielur duas acras Galfridus le Neppere ibidem duas acras Humfridus de Sumerford unam acram Robertus de Rothomag unam acram Alanus le Norreis unam acram et dimidiam Randulfus filius Gunnilde duas acras Randulfus fullo unam acram Galfridus de Estcote duas acras Et ego Robertus Arsic et heredes mei concedimus tam Waltero de la Wike prius nominato quam omnibus post nominatis et heredibus eorum et omnibus qui terram de me uel heredibus meis postmodum ibidem capient ut habeant animalia sua cum fetibus eorum in communi pastura uille mee de Coges libere et quiete per predictum censum Et viam eundo et redeundo de bosco iuxta gurgitem de Metsegge ex parte occidentali iuxta campum de Nord Et ego et heredes mei tenebimus curiam nostram uel seruientes nostri loco nostro super liberum tenementum predictorum liberorum hominum quod de me et de heredibus meis tenebunt per predictam libertatem Huius donacionis et confirmacionis sunt testes dominus Thomas de Wilebi et dominus Willelmus Trussebut et Walterus persona de Lega Radulfus clericus de Witten Radulfus filius Galfridi Adam pincerna Robertus capellanus de Coctrop Willelmus diaconus de Witen Willelmus Lambert et Robertus filius eius Ricardus Pudifed Nigellus de Ruileia et multi alii Hanc constitutionem et donacionem ego Robertus Arsic statui et concessi in curia mea apud Coges coram militibus et aliis liberis hominibus in xiiij anno post coronacionem domini Johannes regis Anglie