Charter Document - 08040108
| Charter Number: | 08040108 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1154 - 1160 |
| Date type: | Assigned |
| Resource Link(s): |
British Library - Cotton Ch V 11 () |
Charter:
Notum sit uniuersis sancte dei ecclesie filiis tam presentibus quam futuris quod ego Maria filia Laurentii Rotomagensis do et presentis scripti pagina confirmo dimidiam marcam argenti annuatim soluendam uidelicet ad natale domini iij solidos et iiij denarios et ad natiuitatem sancti Johannis Baptiste iij solidos et iiij denarios deo et ecclesie sancte Marie de Suthwerka et canonicis ibidem deo seruientibus de terra mea de Bedefonte quam Rodbertus filius Laurentii frater meus tenet Hanc donationem facio sicut perpetuam elemosinam pro salute anime mee et omnium amicorum meorum et pro animabus sponsi mei Rodberti et patris mei Laurentii et matris mee et filii mei Laurencii et antecessorum et omnium propinquorum meorum Hanc cartam sigillo meo corroboratam super altare sancte Marie in ecclesia de Suthwerka presentaui Hiis testibus Rodberto filio Laurentii Willelmo clerico de Aeste Geruasio Caterin Thurstein Rodberto de Haadl Rodberto clerico Seer Willelmo senechal Henrico famulo Odone armigero Godefrido janitore et aliis quam pluribus