Charter Document - 08040107
| Charter Number: | 08040107 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1154 - 1183 |
| Date type: | Assigned |
| Resource Link(s): |
British Library - Harley Ch 50 B 23 () |
Charter:
Notum sit uniuersis sancte dei ecclesie filiis tam presentibus quam futuris quod ego Liece filia Radulfi Rotomagensis concedo et presentis scripti pagina confirmo donationem quam Maria filia Laurentii mater mea fecit deo et ecclesie sancte Marie de Suhwerka et canonicis ibidem deo seruientibus presente et concedente Willelmo filio meo et herede uidelicet dimidiam marcam argenti de terra de Bedefonte quam Robertus filius Laurentii auunculus meus tenet annuatim soluendam uidelicet ad natale domini iij solidos et iiij denarios et ad natiuitatem sancti Johannis Baptiste iij solidos et iiij denarios Hanc concessionem facio in perpetuam elemosinam pro salute animarum nostrarum Willelmi uidelicet et domini et sponsi mei et mee et heredum et omnium amicorum meorum et pro animabus Radulfi patris mei Laurentii fratris mei et antecessorum et omnium propinquorum meorum Hanc cartam sigillo meo corroboratam super altare sancte Marie in ecclesia de Sudwerka ego et Willelmus filius et heres meus presentauimus Hiis testibus Roberto filio Laurentii Willelmo clerico de Estede Geruasio Caterine Johanne Gubold Roberto de Atle Thurstano Radulfo clerico Willelmo senescal Henrico famulo Odone armigero Godefrido janitore