Charter Document - 08040092
| Charter Number: | 08040092 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1192 - 1214 |
| Date type: | Assigned |
| Resource Link(s): |
|
Charter:
Sciant presentes et futuri quod ego Herui Bogot et Milisent uxor mea concessimus et hac presenti carta nostra confirmauimus deo et sancte Marie et abbatie de Stanleg et monachis ibidem deo seruientibus in puram et perpetuam elemosinam donationem et elemosinam quam domina Basilia de la More fecit predictis monachis in suo viuenti scilicet redditum quadraginta denariorum quos Ricardus Trussel et heredes sui annuatim debebant soluere predicte Basilie et heredibus suis de terra de Cotes ad festum sancti Michaelis quos amodo soluent memoratis monachis ad predictum terminum quod etiam carta dicti Ricardi Trussel quam monachi de Stanl inde habent testatur Hanc autem confirmationem fecimus dicte abbatie pro anima ipsius Basilie et pro animabus omnium antecessorum et successorum nostrorum et pro salute nostra et puerorum nostrorum Et uolumus ut sepe dicti monachi predictos denarios habeant et eis gaudeant libere et quiete sicut ipsi qui nos et omnes nostros participes sue fraternitatis et totius ordinis Cisterciensis fecerunt iuxta quod carta prefate domine Basilie quam inde habent monachi de Stanl testatur Hiis testibus Willelmo Bagot Radulfo de Duluerthe Willelmo de Stafford Roberto Bagot Geruasio de Walt magistro Rogero de Cherlet Johanne de Stanl et multis aliis