Charter Document - 08040069
| Charter Number: | 08040069 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 - 1202 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hamelinus comes Warenn assensu et uoluntate Isabelle comitisse Waren uxoris mee et Willelmi de Waren filii et heredis nostri intuitu caritatis et pro salute anime mee et pro anima domini Henrici regis Anglie et pro anima comitis Godfridus Andegauie patris mei et pro animabus comitum et comitissarum Andegauie et comitum et comitissarum Cenomanens et pro animabus comitum et comitissarum War qui decesserunt et pro animabus omnium antecessorum meorum concessi et hac presenti carta mea confirmaui deo et canonicis et fratribus et pauperibus hospitalis sancte Katerine Lincolnie quod habeant liberum ingressum et regressum per calcetam meam que uocatur Cubrige quadraginta aueriis suis usque in pasturam meam que est in mora mea uersus Thorn inter Hutholmes de Glunes et Thorn et inter dictam Cubrige et fossetum quod uadit de Lindholm usque in aquam de Thorn Et ut habeant pasturam quadraginta aueriis suis in predicta pastura inter aueria hominum meorum de Heitfeld quorum communa est Et dicti canonici non debent habere aliquid in boscis nec in aquis nec in pasturis nec in mariscis meis preter pasturam quadraginta aueriis illorum quam illis in nominata pastura caritatiue concessi Et ut hec mea concessio et confirmatio rata et stabilis et inconcussa inperpetuum permaneat sigilli mei appositione cartam istam corroboraui Et dicti canonici concesserunt mihi pro salute anime mee et pro anima Henrici regis Anglie et pro anima Godfridi comitis Andegauie patris mei et pro animabus comitum et comitissarum Andegauie et comitum et comitissarum Cenomanensium et pro animabus comitum et comitissarum Waren qui decesserunt et pro animabus omnium antecessorum meorum habere duos lectos infirmitorio hospitalis Lincolnie et tres centum missas primo anno huius donationis et mille psalteria et participem me fecerunt de omnibus beneficiis que fiunt in toto ordine de Semplingham Et de aliis beneficiis sicut carta illorum quam ab illis habeo testatur Hiis testibus Willelmo de Liuet tunc senescallo Thome de Horebir Reginaldo filio Elie Waltero de Daneuell tunc constabulario Anselmo de Neelet Anselmo de Glanuill Henrico capellano Henrico de Marisco Pagano Marario Rogero Walur Ricardo ostur Hamone Willelmo Johanne clericis meis et multis aliis