Charter Document - 08040068
| Charter Number: | 08040068 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1190 - 1200 |
| Date type: | Assigned |
| Resource Link(s): |
|
Charter:
Willemus Walensis omnibus hominibus et amicis suis Francis et Anglis presentibus et futuris salutem Sciatis omnes quod ego dedi et concessi et hac carta mea confirmaui comiti Alberico terram de Manehache de maritagio Juliane uxoris mee de feudo de Burgate ei et heredibus suis tenendam de me et heredibus meis libere et quiete per unum denarium de seruicio reddendum per annum mihi et heredibus meis pro omnibus seruiciis Et pro hac donacione et concessione et carte mee confirmacione dedit mihi predictus comes Albericus xx solidos de kersame Quare volo et firmiter precipio ut predictus comes Albericus hanc predictam terram habeat et teneat ipse et heredes sui de me et heredibus meis libere et quiete et honorifice per seruicium prenotatum in hac carta pro omnibus seruiciis Et hanc terram predictam debeo ego et heredes mei warantizare comiti Alberico et heredibus suis contra omnes homines et omnes feminas vel escambium dare ad valenciam illius terre Hiis testibus Rogero filio Roberti Roberto de Campania Pagano de Lond Roberto Britone Godefrido de Lauenham Reimundo de Sancto Edmundo Radulfo de Liuremere Gileberto de Lauenham Johanne filio Hay Petro armigero Roberto de Cantelu Willelmo filio Odonis Helya capellano Willelmo clerico Willelmo filio Pagani Michael clerico