Charter Document - 08040066
| Charter Number: | 08040066 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Warranty |
| Date: | 1251 - 1260 |
| Date type: | Assigned |
| Resource Link(s): |
|
Charter:
Omnibus hoc scriptum visuris uel audituris Willelmus de Fortibus comes Albemarl salutem in domino Noueritis quod si Galfridus de Waghene et heredes vel assignati sui inplacitati fuerint per breue domini regis uel quod ab eis debitum Judaismi exigatur per Judeos uel Christianos de terra et libero tenemento cum pertinentiis in villa et in territorio de Hornesburton que eidem Galfrido et heredibus uel assignatis suis exceptis viris religiosis per cartam meam contuli inperpetuum de aliquo mutuo vel debito facto antequam dictam terram eidem Galfrido et heredibus vel assingnatis suis exceptis viris religiosis per cartam meam dedi scilicet die dominica proxima post octavas Annunciacionis beate Marie anno gracie millesimo ducentesimo quinquagesimo primo Ego predictus Willelmus comes et heredes mei predictam terram et tenementum cum dictis pertinentiis suis predicto Galfrido et heredibus vel assignatis suis exceptis viris religiosis sicut predictum est contra omnes homines warantizabimus acquietabimus et defendemus inperpetuum In huius rei testimonium presenti scripto sigillum meum apposui Hiis testibus dominis Anselmo de Sancto Quintino Simone de Ver Willelmo constabulario militibus Henrico de Cesterhunt tunc vicecomite Hold Ada de Sancto Martino Johanne de Nutill Galfrido Cumbond et aliis