Charter Document - 08040063
| Charter Number: | 08040063 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1235 - 1243 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hubertus de Burgo comes Kancie dedi concessi et presenti carta confirmaui Philippo Basset pro homagio et seruicio suo Willelmum Ailwin de Saham cum tota sequela sua et cum toto exitu suo et cum tufta sua continente quatuor acras terre cum pertinentiis suis Habendum et tenendum eidem Philippo et heredibus suis vel cui dare vendere vel assignare voluerit in feodo et hereditate in perpetuum Pro hac autem donacione dictus Philippus quietum clamauit michi et Margarete uxori mee et heredibus nostris Aylsy Nad de Soham cum tota sequela sua et cum omni exitu suo et cum tufta sua continente quatuor acras terre cum pertinentiis suis Et ego predictus Hubertus comes et heredes mei warantizabimus predicto Philippo Basset et heredibus vel assignatis suis predictum Willelmum Aylwin cum tota sequela sua et cum toto exitu suo et cum tofta sua continente quatuor acras terre cum pertinentiis suis Et ut hec mea donacio rata et stabilis sit in perpetuum presens scriptum sigilli mei inpressione corroboraui Hiis testibus Thome Blundo Radulfo de Cateleg Philippo de Pirie Hugone de Sengham Reginaldo de Marham Laurencio de Sancto Albano Johanne de Dunstapl Philippo de Wigehall Waltero de Oxehathe Willelmo de Beccheshore Johanne de Hales et aliis