Charter Document - 08040059

Lucius episcopus seruus seruorum Dei dilectis filiis Euerardo priori ecclesie de Dudleia universisque fratribus tam presentibus quam futuris regulare uita professis In perpetuum Qui postpositis secularibus desideriis sub regulari disciplina suam uouerunt domino seruitutem apostolico debent patrocinio communiri ne in sui propositi executione tepescant si prauorum fuerint iniuriis lacessiti Ea propter dilecti in domino filii uestris iustis postulationibus clementer annuimus et prefatam ecclesiam in qua diuino estis obsequio mancipati sub beati Petri et nostra protectione suscipimus et presentis scripti priuilegio communimus In primis siquidem statuentes ut ordo monasticus qui secundum deum et beati Benedicti regulam atque institutionem Cluniacen fratrum in eadem ecclesia noscitur institutus perpetuis ibidem temporibus inuiolabiliter obseruetur Preterea quascunque possessiones quecunque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestrisque successoribus et illibata permaneant In quibus hec propriis duximus exprimenda uocabulis ecclesiam Sancti Jacobi de Dudel et cappellas eiusdem uille Sancti Edmundi [] ecclesiam de Seggsl cum pertinentiis ecclesiam de Nortfeld cum capella de Coston ecclesiam de Ingle [] cum pertinentiis suis ecclesiam de Bratefelde cum capella de Englefeld de donatione Geruasii Paganelli ecclesiam de Womburn cum capella de Tresel et aliis pertinentiis suis de donatione Guidonis de Offeni ecclesiam de Seille cum pertinentiis suis de donatione Radulfi de Seille ex donatione Agnetis de Sumeri villam de Chirchul cum pertinentiis suis ex donatione Osberti de Kenefara villam de Saredun cum pertinentiis suis Ex donatione Roberti de Chandon unam virgata terre in villa de Wolinton et terras de Ingepenn ex donatione Johannis Mansel Sepulturam preterea ipsius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iustitia illarum ecclesiarum a quibus mortuorum corpora assumuntur Cum autem generale interdictum cerni fuerit liceat uobis clausis januis non pulsatis campanis exclusis excommunicatis et interdictis suppressa uoce diuina officia celebrare Sane noualium uestrorum que propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat In parochialibus autem ecclesiis quas habens liceat uobis clericos uel sacerdotes eligere et dioecesano episcopo presentare quibus si idonei fuerunt episcopus curam animarum committat ut ei de spiritualibus uobis uero de temporalibus debeant respondere Liceat quoque uobis clericos uel laicos seculo fugientes liberos et absolutos ad conuersionem uestram recipere et eos absque contradictione aliqua retinere Prohibemus insuper ne quis post factam in ecclesia uestram professionem nisi arctioris religionis optentu discedere de eodem loco presumat discedentes uero sine communium litterarum cautione nullus audeat retinere Antiquas quoque et rationabiles consuetudines in ecclesia uestra hactenus obseruatas futuris temporibus ratas decernimus permanere Decernimus ergo [ut] nulli omnino hominum liceat prefatum monasterium [in aliquo] perturbare aut eius possessiones auferre uel ab[latas] retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentacione concessa sunt usibus omnimodis profuturas salua sedis apostolice auctoritatis et dioecesani episcopi canonica iusticia et debita reuerentia Cluniacen ecclesie Si qua igitur [in futurum] ecclesiastica secularisue persona hanc nostre constitutionis paginam sciens contra eam temere uenire tentauerit secundo tertioue commonita nisi reatum suum congrua satisfactione correxit potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Jesu Christi aliena fiat atque in extremo examine districte ultioni subiaceat Cunctis autem eidem loco sua iura seruantibus sit pax domini nostri Jesu Christi Quatenus et hic fructum bone actionis percipiant et apud districtum iudicem eterne pacis inueniant Amen Amen Amen Ego Lucius ca[tholice] ecclesie episcopus subscripsi Bene valete Ego Petrus sancte Susanne presbiter cardinalis Signum Ego Theod[inus] Portuensis [et sancte Rufine] sedis episcopus Signum Ego Jacinctus diaconis cardinalis sancte Marie in Co[smydyn] Ego Petrus Tusculan episcopus Signum Ego Arditio sancti Theodori diaconus cardinalis Signum Ego Cynthius presbiter Cardinalis tituli sancte Cecilie Signum Subscripsi Ego Paulus [Prenestinus] episcopus Signum Subscripsi Ego Rainerius diaconus cardinalis sancti Georgii ad Velu[m] Aureum Signum Subscripsi Ego Gratianus sanctorum Cosme et Damiani diaconus cardinalis Signum Subscripsi Ego Arduinus presbiter cardinalis tituli Sancte Crucis in Jerusalem Signum Subscripsi Ego Matheus presbiter cardinalis tituli sancti Marcelli Signum Subscripsi Ego Laborans presbiter cardinalis sancte Marie Transtiberim Datum Velletri per manum Alberti sancte Romane ecclesie presbiteri cardinalis et cancellarii xvj kalendas Julii Indictione xv Incarnationis dominice anno MCLXXXX Pontificatus uero domini Lucii pape iij anno j