Charter Document - 08040042
| Charter Number: | 08040042 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Restoration |
| Date: | 1176 - 1191 |
| Date type: | Assigned |
| Resource Link(s): |
|
Charter:
Ricardus de Camuill omnibus hominibus et amicis suis Francis et Anglicis salutem Notum sit uobis me peticione Roberti Pipardi reddidisse et concessisse Ricardo Pipard fratri suo et heredibus suis pro homagio et seruitio ipsius Ricardi totam terram quam Ligerus miles auus eorundem tenuit die qua obiit in manerio meo de Stanton donatione Ricardi de Camuill patris mei et Milesent matris mee tenendam sibi et heredibus suis de me et heredibus meis per seruitium tercie partis unius militis pro omni seruicio quod ad me et heredes meos pertinet Quare uolo et firmiter precipio quod predictus Ricardus et heredes eius post eum totam predictam terram habeant et teneant libere et quiete bene et in pace honorifice plenaria et integre cum omnibus libertatibus et consuetudinibus ad eandem terram pertinentibus in bosco et plano et cunctis aliis locis Tali itaque condicione prenominatus Robertus hanc concessionem faciendam concessit quod si forte prefatus Ricardus sine herede de uxore desponsata obierit tota prenominata terra redibit prefato Roberto et heredibus suis tenenda de me et heredibus meis per idem seruitium per quod eam predicto Ricardo concessi His testibus Willelmo de Stant et Milone capellanis et Widone de Hamarz et Radulfo de Beggheuill et Widone de Cahanes et Roberto de Stant et Johanne de Kent clericis et Laurencio de Morra et Warino de Morra et Godefrido de Leia et Johanne de Bakepuz et Roberto de Burton et Willelmo de Morra et multis aliis Apud Stanton