Charter Document - 08040037
| Charter Number: | 08040037 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1261 - 1272 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Willelmus Vauasor dedi et concessi et presenti carta mea confirmaui Willelmo filio Roberti et heredibus suis totam uillam de Belasis cum omnibus pertinenciis et libertatibus suis per istas diuisas scilicet a capite fossati sicut Dedesic descendit in Pakedenebroc et sicut Pakedenebroc descendit in Ribbel de subtus iterum a capite eiusdem fossati sicut mariscum uadit usque ad Morthweit et a Morthweit sicut quedam semita descendit usque in Holedene et sicut Holedene descendit in Ribbel Preterea dedi ei in accrementum x acras propinquiores terre sue uersus Boeltonam scilicet totum nouum sartum et circa nouum sartum usque dum perficiantur x acre tenendum de me et heredibus meis sibi et heredibus suis in feodo et hereditate libere et quiete et honorifice et integre et plenaria cum omnibus libertatibus et aisiamentis suis in bosco in plano in aquis in uiis in semitis et in omnibus aliis rebus que pertinent ad predictam uillam intra predictas diuisas et communem pasturam de uilla de Boelton extra defensas meas et haias meas Reddendo annuatim inde mihi uel heredibus meis tres solidos pro omni seruicio quod mihi uel heredibus meis inde pertinet et pro omni re ad terram pertinente scilicet xviij denarios ad festum apostolorum Petri et Pauli et xviij denarios ad festum beati Martini Hiis testibus Ricardo Vauasor Malgero Vauasor Alano de Yadun Thome de Otil Hugone Vauasor