Charter Document - 08040019
| Charter Number: | 08040019 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1253 - 1263 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis hoc presens scriptum visuris vel audituris Hugo Dispensarius de Lucteburc salutem Noueritis me concessisse et pro me et heredibus meis inperpetuum quietum clamasse deo et ecclesie beate Marie de Geroudon et abbati et monachis ibidem deo seruientibus pro salute anime mee et omnium antecessorum et heredum meorum totam communam quam habui vel habere potui uel aliquo tempore habere potero in toto bosco suo qui comprehenditur infra has diuisas scilicet a volatu Ricardi militis de Torp per fossatum usque ad le Brende et de la Brende usque ad le Tweyt sicut dominus comes Wyntonie eis concessit et de le Tweyt usque ad haysam ab occidentali parte caprarie et a predicta haysa inter campum et boscum usque ad dictum volatum predicti Ricardi militis Tenendam et habendam libere quiete et pacifice sine mei vel heredum meorum disturbacione sibi et successoribus suis in perpetuum ad claudendum muro haya uel fossato vel qualitercumque uoluerint et ad maius comodum suum appropiandum Ita quod neque ego neque heredes mei in dicto bosco aliquod ius uel clamium vel communam pascendi uel communicandi aliquo tempore aliquo modo possimus vendicare In cuius rei testimonium huic presenti scripto sigillum meum apposui Hiis testibus domino Ricardo milite de Torp Stephano de Cishston tunc senescallo meo Serlone filio Ricardi filii Serlonis de Torp Roberto de Dixl Ricardo Pendorayl de Lucteburc et aliis