Charter Document - 08040015

Anno regni Regis Henrici filii Regis Johannis tricesimo septimo facta fuit ista conuencio inter abbatem et conuentum Leycestrie ex una parte et abbatem et conuentum Gerodon ex altera coram domino Rogero de Quency comite Wynton constabulario Scocie tunc presente ita quod per consilium et prouisionem eiusdem comitis dicti abbas et conuentus Gerodon concesserunt dictis abbati et conuentui Leyrcestrie communem pasturam inperpetuum habendam in campis suis et pratis de Henele Geredon et Dixele tempore aperto scilicet quod postquam dicti abbas et conuentus Geredon bladum suum messuerint et pratum suum in dictis campis defalcaverint statim incepto tempore carriationis dictum bladum et pratum continue de die in diem si tempus hoc permittat cariabunt ita quod statim post quintanam a tempore quo vicini proximi autumna erint uel cicius si dicta bladum et pratum cariauerint licebit abbati et conuentui Leyrcestrie cum aueriis suis cum libero introitu et exitu sine warda facta dictos campos et prata libere ingredi et quiete depascere tam quam suam pasturam communem Si uero dicti abbas et conuentus Geredon in nocumentum et fraudem dicte pasture abbatis et conuentus Leyrcestrie in Henele seminauerint uel bladum et pratum seu stipulam in predictis campis stare permiserint et cariare distulerint licebit abbati et conuentui Leircestrie post quindenam sicut predictum est predictos campos et prata cum aueriis suis communiter intrare et libere depascere Et quod per clausuram circa Henele ingressus et exitus aueriorum abbatis et conuentus Leyrcestrie tempore pascendi non impediantur Et si contingat quod aueria abbatis et conuentus Leyrcestrie exeant de communi pastura per eschapium in bladum uel in pratum dictorum abbatis et conuentus Geredon ipsi ea achaci dabunt in communem pasturam predictam sine dampno et inpar choicone Item dicti abbas et conuentus Geredon facient propriis sumptibus pontem competentem ultra ductum molendini et illum cum necesse fuerit competenter reparabant ita quod equi et carette cum oneribus suis sine dampno et periculo possint ibidem pertransire Item abbas et conuentus Geredon mundari facient cursum ductus descendentem de dicto molendino ita quod per defectum mundacionis ductus prenominati in dicto molendino uel terris prope adiacentibus abbas et conuentus Leyrcestrie dampnum non incurrant Et si forte quod absit pro defectu mundacionis ductus predicti dampnum incurrant subiecerunt se abbas et conuentus Geredon districtioni comitis Wynton et heredum suorum seu senescalli uel balliuorum suorum qui pro tempore fuerint ad compellendum eos ad mundacionem ductus predicti infra quintanam a tempore quo dicti abbas et conuentus Leyrcestrie rationabiliter conquesti fuerint faciendum quod si infra dictum tempus non fecerint inde emendacionem licebit dictis abbati et conuentui Leyrcestrie facere liberacionem aque predicti ductus in suo solo sicut solebant Dicti uero abbas et conuentus Leyrcestrie obstupari facient aquam fluentem de badiis molendini de Sepeheued ut aqua versus Geredon suum plenum cursum habeat sine impedimento eorundem abbatis et conuentus Leyrcestrie et suorum sicut predictum est Omnia uero dampna que dicti abbas et conuentus Leyrcestrie occasione dicti pontis non facti uel non reparati sustinuerint memorati abbas et conuentus Geredon eisdem plene restaurabunt Si uero dicti abbas et conuentus Geredon tenorem huius scripti penes se non obseruauerint subiecerunt se cohercioni comitis Wynt et heredum suorum et senescalli et balliuorum suorum qui pro tempore fuerint ut eos possint compellere ad obseruacionem omnium predictorum Et si dicti comes et heredes sui seu senescalli uel balliui sui dictos abbatem et conuentum Geredon cohercere neglexerint licebit dictis abbati et conuentui Leycestrie ius suum contra eos impetrare prout melius et commodius sibi viderint expedire Et ut hec omnia supradicta perpetue firmitatis robur optineant utraque pars scripto ulterius in modum cyrograffi confecto sigillum suum vicissim apposuit Hiis testibus dominis Willelmo de Bosco Johanne de Cramford tunc senescallo Saero de Sancto Andrea Johanne Bechard Petro le Poter militibus magistro Ricardo persona de Hauthern Petro filio Rogeri de Leyrcestria Radulfo de Bredon Waltero de Euinton Ricardo de Cley Matheo venatore Elya Swayn de Sepeheued Simone de Osolueston Rogero de Twyford Henrico de Linc et aliis Acta fuerunt ista apud Leyrcestriam die Jouis proxima ante festum sancti Gregorii anno gracie millesimo ducentesimo quinquagesimo secundo