Charter Document - 08040011
| Charter Number: | 08040011 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1239 - 1248 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos presens scriptum peruenerit Willelmus de Albanyaco quartus salutem Noueritis me pro salute anime mee et pro salute anime nobilis viri domini Willelmi de Albanyaco patris mei et pro animabus Margerie de Dunfranuile matris mee et Albree uxoris mee et Ysabelle uxoris mee et antecessorum et successorum meorum concessisse et hac presente carta mea confirmasse deo et ecclesie beate Marie de Nouo loco ad pontem de Offintun et canonicis meis ibidem deo seruientibus qui sunt de fundacione dicti nobilis viri domini Willelmi patris mei totum illum nouum locum ad pontem de Offintun sicut muro et fossato clauditur cum pertinenciis necnon et omnes donaciones terras homines possessiones redditus et libertates cum omnibus pertinenciis et aisyamentis infra villam et extra a dicto domino Willelmo patre meo et a quocumque uel a quibuscumque donatoribus predictis canonicis et successoribus suis collatas et in posterum de feodo meo conferendas Tenendum et habendum predictis canonicis et successoribus suis libere solute et pacifice integre et quiete inperpetuum sicut carte donatorum suorum testantur et cum omni utilitate que inde aliquo tempore poterit euenire Preterea diuine pietatis intuitu do et concedo de mea gracia et liberalitate pro me et Albrea uxore mea et Ysabella uxore mea et pro antecessoribus et successoribus nostris hanc libertatem prefate ecclesie beate Marie de Nouo loco ut cum prior prefate ecclesie decesserit canonici eiusdem loci liberam habeant electionem et cum elegerint patrono domus presentetur electus et interim donec priorem habeant ipsa domus et omnes redditus et possessiones eiusdem domus cum omnibus pertinenciis et libertatibus in manu et custodia canonicorum eiusdem loci sint et omnes redditus et exitus et omnia bona prefate domus in usus pauperum et profectum ecclesie predicte libere pacifice et honorifice per ipsos canonicos expendantur Ego uero Willelmus et heredes mei predictam concessionem et presentis carte mee confirmacionem cum omnibus supradictis et pertinenciis predictis canonicis et successoribus suis sicut liberam puram et perpetuam elemosinam nostram contra omnes mortales warantizabimus manu tenebimus et defendemus inperpetuum In huius rei securitatem huic scripto sigillum meum apposui Hiis testibus Philippo decano de Karleby magistro Johanne de la Lade persona de Offintun magistro Willelmo de Burgo persona de Bernak domino Rogero Buzun domino Ricardo de Bernak Bartholomeo de Horepol Galfrido de Breteuile Willelmo de Medburn Stephano de Stokes militibus Roberto clerico Henrico de Tykesouere Rogero filio Willelmi de Offintun Petro coco Willelmo Ruffo Nicholao de Hoctun et aliis