Charter Document - 08040008
| Charter Number: | 08040008 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1186 |
| Date type: | Assigned |
| Resource Link(s): |
|
Charter:
Uniuersis sancte ecclesie filiis Rogerus de Molbrai salutem Sciatis me concessisse et hac carta me confirmasse in liberam et puram et perpetuam elemosinam deo et ecclesie sancte Marie Geroldon et monachis ibidem deo seruientibus quandam culturam terre ante Torp quam Gundredis mater mea concessione mea dedit monachis in elemosinam pro triginta duabus acris cum cheuesciis et prato ad eam pertinenti libera et quieta ab omni seculari seruicio sicut inde saisiti fuerunt per matrem meam antequam ego primo arriperem iter eundi Jerosolimam cum rege Francorum Ludouico videlicet totam illam culturam que est de feodo Maltone inter uiam que tenditur a spineto uersus Maltonam et diuisam ipsius culture et feodi de Torp cum cheuesciis et quodam prato eidem culture adiacenti quod nuncupatur rubrum pratum Et quicquid amplius est in predicta cultura quam triginta due acre totum integre predictis monachis confirmaui pro salute anime mee et patris mei et matris mee et omnium antecessorum et heredum meorum Concessi etiam ut pro iamdicta terra si uoluerint escambium recipiant ubicumque melius et utilius sibi esse prospexerint ita tamen ut id quod receperint remaneat et sit de feodo meo et id quod dederint de feodo unde recipient si escambium ad remanenciam fecerint Et ego et heredes mei warantizabimus eis predictam terram inperpetuum sicut propriam elemosinam nostram Testibus his Philippo de Munpinzun Roberto Beler Willelmo camerario Ricardo de Queniburc Johanne elemosinario Waltero de Malton Ragenaldo Rogero Banastre Ernaldo dispensatore Roberto clerico et multis aliis