Charter Document - 08040007
| Charter Number: | 08040007 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1253 - 1260 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis hanc cartam visuris uel audituris Rogerus de Quency comes Wynton constabularius Scotie salutem in domino Noueritis nos concessisse et hac presenti carta nostra confirmasse abbati et monachis de Geroudon et eorum successoribus in liberam puram et perpetuam elemosinam pro salute anime nostre et domine Alienore dilecte sponse nostre et omnium antecessorum nostrorum quod possint claudere et pro voluntate sua clausum habere haia et fossato uel quocunque alio modo voluerint ad maius comodum suum totum boscum suum de Kut et totam placiam ab haysa in occidentali parte caprarie sue usque ad caput de le Thweit uersus forestam ubi abbatia eorum antiquitus fuit fundata et totum le Thweit et de le Tweit totam placiam in transuerso le Rakes usque le Brende et sic inter le Brende et boscum eorundem monachorum usque ad boscum domini Ricardi militis de Thorp et sic per fossatum inter boscum eorundem monachorum et boscum dicti domini Ricardi usque ad campum Geroudon Concessimus etiam predictis abbati et monachis quod possint totum predictum boscum cum predictis placium assartare vendere et maius comodum suum quocunque modo voluerint pro voluntate sua inde facere Preterea noueritis nos dedisse concessisse et hac carta nostra confirmasse in puram et perpetuam elemosinam predictis abbati et monachis et eorum successoribus totam sauuaginam et omnes bestias siluestres cuiuscunque generis sint quas habuerint uel in posterum habere poterint uel voluerint uel que aliquo modo inuente fuerint in dicto clauso infra omnes diuisas supradictas ad bersandum venandum capiendum quocunque modo voluerint uel quicquid inde voluerint faciendum per se uel per homines suos sine nostra uel heredum nostrorum contradictione ita quod nullam habeant salturam Tenendum et habendum dictis abbati et monachis et eorum successoribus in perpetuum adeo bene libere quiete et pacifice sicut aliqua elemosina melius liberius quietius dari potest teneri et haberi nichil nobis uel heredibus nostris de dicto clauso uel de dicta sauuagina reseruantes preter orationes in domino speciales Nos uero et heredes nostri totum predictum clausum per omnes diuisas supradictas totam predictam sauuaginam sicut predictum est predictis abbati et monachis et eorum successoribus contra omnes homines inperpetuum warantizabimus defendemus et acquietabimus Et ut maiori gaudeant securitate hanc presentem cartam eisdem fecimus et illam sigilli nostri inpressione corroborauimus Hiis testibus dominis Gilberto de Calequenne Willelmo de Oelli Johanne de Cardoill Johanne Bechard Rogero de Forfare militibus Rogero Kalbot Willemo de Wydintona Dauid de Betun Rogero de Bisegge Hugone de Faffinton Willelmo de Faffinton et aliis