Charter Document - 08040006
| Charter Number: | 08040006 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1222 |
| Date type: | Internal, A.D., Feast |
| Resource Link(s): |
|
Charter:
Nouerint uniuersi ad quos presens scriptum peruenerit controuersiam que uertebatur inter abbatem et conuentum de Leirc ex una parte et abbatem et conuentum de Geroldon ex altera super decimis de Henle in parochia de Scepeheued hoc pacis federe conquieuisse scilicet quod abbas et monachi de Geroldon soluent pro dictis decimis canonicis Leirc annuatim sex solidos die annuntiacionis beate Marie et ne lis semel sopita possit iterum in recidiuiue contencionis scrupulum reuocari utraque domus huic scripto sigillum suum apposuit Actum in crastino sancti Andree in ecclesia beate Margarete Leirc anno ab incarnacione domini MCCXXII