Charter Document - 08040002
| Charter Number: | 08040002 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens carta peruenerit Radulfus filius Roberti de Eccleshal salutem in domino Nouerit uniuersitas uestra me assensu et voluntate Roberti filii mei et heredis dedisse et concessisse et hac mea presenti carta confirmasse deo et beate Marie et ecclesie sancti Thome martiris de Beauchef et canonicis ibidem deo seruientibus cum corpore meo totam terram meam de Maresey infra villam et extra villam cum toto bosco super existente et cum omnibus pertinentiis libertatibus et communis pasturis pratis et piscariis et in omnibus aisiamentis ad predictam terram pertinentibus Tenendam de me et heredibus meis libere et quiete et pacifice in perpetuam elemosinam pro salute anime mee et omnium antecessorum et heredum meorum solutam et quietam ab omni seculari seruicio et demanda saluis tamen canonicis de Maresey sex solidis argenti duobus terminis percipiendis scilicet tres solidos ad pentecosten et tres solidos ad festum sancti Dionisii et saluo forinseco seruitio Et ego predictus Radulfus et heredes mei iamdictis canonicis de Beauch totam predictam terram cum toto bosco super existente cum omnibus pertinentiis contra omnes homines warantizabimus Hiis testibus Ricardo et Johanne tunc capellanis de Ecclesfeld Nicholao de Wurtley Henrico de Tankerley Radulfo de Normanevile Thome Barboth Helya de Eccleshal Rogero filio Reineri et aliis