Charter Document - 08020120
| Charter Number: | 08020120 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1247 - 1259 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Matheus le Venor remisi et quiete clamaui pro me et heredibus meis Johanni de Maniford totum ius et clameum quod habui vel habere potui in octo acras terre cum pertinentiis suis in Gerardeston videlicet in illas viij acras terre quas Alexander de Chelk tenet in predicta villa et si dictus Johannes pro predicta terra placitare voluerit ipse nomine meo perquiret breue domini Regis et ego sequar cum eo super dictum Alexandrum vel super quemcunque qui dictam terram tenuerit ad custum ipsius Johannis donec ipsum fecerim attornatum meum de dicta terra Et si dictus Johannes nomine meo dictam terram per legem terre recuperauerit quieta et absoluta ei et heredibus suis vel assignatis suis remaneat inperpetuum secundum tenorem carte quam inde de me habuit Et cum in plena seisina de dicta terra fuerit dabit mihi dictus Johannes dimidiam marcam argenti Et si dictus Johannes voluerit quod viij alie acre quas ei vendidi in predicta villa vel iste viij de quibus predictum est vel omnes xvj si dictas viij acras recuperauerit ei cyrographentur in curia domini regis ego veniam et faciam venire vxorem meam ad custum ipsius Johannis in comitatu Wiltonie vel alibi coram iusticiarijs domini regis vbicunque et quandocunque voluerit et faciam ei dictam terram chirographiri Et vt hec mea remissio quieta clamancia et conuentio perpetue firmitatis robur obtincant presens scriptum sigilli mei impressione roboraui Hijs testibus Willelmo de Cerde Johanne Cusyn Willelmo Forestario Waltero Wither Roberto Mascarel Waltero Coco W Vergelay et alijs