Charter Document - 08020118
| Charter Number: | 08020118 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1265 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Martinus de Gerardeston concessi et vendidi et hac presenti carta mea confirmaui magistro et fratribus et sororibus hospitalis beati Nicholai nouarum Sarum pro xv solidis sterlingorum quos mihi ad vrgens negocium meum dederunt pre manibus duas acras terre mee de Gerardeston excoli biles et pasturam vnius bouis et x ouium cum pertinentijs ibidem quarum duarum acrarum terre vna iacet in campo occidentali de Huggedeslinch et se extendit vsque orientem inter tunc terram domini Godefridi de Skydmore et tunc terram Rogeri Bigge Et altera acra iacet in campo orientali et se extendit versus aquilonem in la redelande inter tunc terram Philippi de Gerardeston et tunc terram Johannis Bigge Habendas et tenendas dictis magistro et fratribus et sororibus libere et quiete bene et pacifice absque omni clameo mei vel meorum inperpetuum Et ego dictus Martinus et heredes mei vel nostri assignati tenementum predictum magistro fratribus et sororibus predictas duas acras terre et pasturam cum pertinentijs pro predictis xv solidis sterlingorum contra omnes homines et feminas warantizare defendere et tam de redditu quam de omnibus sectis querelis exactionibus seruicijs secularibus et de mandis acquietare inperpetuum Vt hec autem mea concessio et vendicatio huius carte mee confirmacio et eiusdem warantia firme et stabiles permaneant inperpetuum presentem cartam per sigilli mei apposicionem roboraui Hijs testibus Domino Godefrido de Skydmore et Thoma le Butillier militibus Henrico de Monte sorrell Roberto Mascarel Johanne de Gerardeston Philippo Cosyn et alijs