Charter Document - 08020117
| Charter Number: | 08020117 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1245 - 1259 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus Mascarel dedi concessi et presenti carta mea confirmaui Johanni de Maniford septem acras terre in Gerardeston videlicet totam terram meam quam habui in campis predicte ville die confectionis huius carte et totum montem meum quem habui in predicta villa videlicet totam terram et totum Seillium meum quod habui vel habere potui in montibus eiusdem ville cum spinis et alijs vesturis in predicto monte crescentibus cum pertinentijs suis Et totam pasturam meam quam habui vel habere potui tam in campis quam in montibus predicte ville cum iure dictum montem dictas spinas et dictam pasturam defendendi et de eisdem imparcandi et attachiandi sicut Ego unquam melius et liberius ea defendere et de eisdem imparcare et attachiare possent si ea dicto Johanni non dedissem cum omnibus pertinentijs suis excepta pastura ad duo acria quas ad opus meum retinui preterea dedi et concessi eidem Johanni quamdam placeam de curia mea continentem in longitudine et latitudine sexaginta et viij pedes per totum ad quandam ponfoldam sibi faciendam ad predicta imparcamenta et attachiamenta imponenda Habendas et tenendas dictas predictas vij acras terre dictum montem dictam pasturam et dictam placeam sicut predictum est dicto Johanni et heredibus suis vel cuicunque assignare voluerit libere quiete et integre inperpetuum de me et heredibus inperpetuum Et Ego Robertus et heredes mei totam predictam terram predictum montem et pasturam cum omnibus pertinentijs suis et cum libero ingressu et egressu ad dictam ponfoldam supradicto Johanni et heredibus suis vel assignatis suis contra omnes gentes warantizabimus inperpetuum Et in huius rei testimonium presenti carte sigillum meum apposui Hijs testibus Willelmo de Cerde Alexandro de Chalke Rogero filio suo Henrico Tulet Johanni Wither S[imone] Wither Thoma de Gerardeston et alijs