Charter Document - 08020116
| Charter Number: | 08020116 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1229 - 1243 |
| Date type: | Assigned |
| Resource Link(s): |
|
Charter:
Vniuersis presentes literas inspecturis Magister Hospitalis sancti Nicholai Sarum salutem in Domino Noueritis quod cum placitum motum fuisset in curia domini regis per breue quod dicitur breue de Nichil habet inter Adam Foliot et Johannam vxorem eius petentes terciam partem duarum carucataarm terre cum pertinentiis in Gerardiston et predictum magistrum prefati hospitalis Et eciam inter predictum magistrum tenentem et Philippum de Quercu petentem per breue de ingressu vnum messuagium et vnam virgata terre cum pertinentiis in eadem villa vnde idem magister de predictis tenementis ab eo petitis vocatis inde ad Waranciam Thomam de Haddon et Johannam vxorem eius vt filium et heredes Walkelyni de Rosey ijdem Thomas et Johanna opposuerunt se contra dictam waranciam Amicis tandem inter eos conuenientibus ita conuenit Quod predicti Thomas et Johanna intrauenient in waranciam et warantizabunt predicta tenementa versus predictos petentes et attornatum facient ad predicta placita pro se vsque ad finem eorundem placitorum ad ordinationem et voluntatem predicti magistri et hospitalis sumptibus eiusdem magistri Et predicti attornat ad breve de dote versus predictos Adam et Johannam tale dabunt responsum de precepto et voluntate predictorum Thome et Johanne videlicet quod Walkelinus de Rosey quondam vir predicte Johanne vxoris predicti Adam die quo ipsam desponsauit nec vnquam post feodum habuit ita quod de predicto tenemento eam dotare potuerit et hoc verificabitur per predictam si necesse fuerit Ad breve vero de ingressu sic tale dabunt responsum quod nichil de seisina Dionisie matris predicti Philippi exigere potest vel clamare eo quod ipsam totum ius et clameum quod habuit vel habere potuit in predictos tenentes Walkelyn de Rosey heredibus et assignatis suis relaxauit et quiete clamavit in ligea potestate sua sicut scriptum quiete clamancie quod residet in custodia dicti magistri testatur et similiter verificetur per predictam si necesse fuerit Et si predicti Thomas et Johanna per se et attornatos suos per responsiones predictas ad inquisicionem prie descenderint nullam fraudem adhibebunt dicto vel facto imo omnem fidelitatem quam poterint et sciuerint et sic predictus magister predictos Thomam et Johannan in predictis placitis vt in brevi de dote et ingressu habitis conseruabit indemnes per consideracionem et discrecionem bonorum et legalium virorum Finitis autem placitis de predictis breuibus siue per placitum siue per formam pacis et predictis Thoma et Johanna conseruatis indemnibus vt predictum est tunc litera obligatoria c librarum que pro predicta garantia facienda penes Robertum de Basinges per consilium parcium residet dicto Magistro et Domui sue statim et sine contradictione dictorum Thome et Johanne reddantur ita quod in posterum nullum vigorem obtineat et pro nulla habeatur Et si predicti Thomas et Johanna per predictum magistrum in predictis placitis non conseruentur indemnes prout supradictum est [quod absit] placitis predictis finitis predicta litera obligatoria predictis Thome et Johanne per manus dicti Roberti reddatur sine alicuius contradictione In cuius rei testimonium presenti scripto bipartito partes sigilla sua apposuerunt Hijs testibus Roberto de Basingis Michaele de Barnewell et alijs