Charter Document - 08020106
| Charter Number: | 08020106 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1255 - 1269 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Johannes de Maningeford dedi concessi et hac carta mea confirmaui Alexandro de Chelk pro homagio et seruicio suo duas acras terre cum pertinentiis suis excepta pastura in Gerardeston videlicet vnam acram que iacet ad caput illius acre super quam curia mea sita est et aliam acram in alio campo videlicet illam acram que iacet iuxta acram quam Robertus de Seles de me habuit per escambium inter nos factum Habendas et tenendas predictas duas acras sicut predictum est dicto Alexandro et heredibus suis vel cuicunque illas assignare vel legare voluerit exceptis domibus Religiosis de me et heredibus meis vel assignatis meis libere et quiete inperpetuum Reddendo inde annuatim michi et heredibus meis vel assignatis meis ad pascha vnum denarium et ad festum sancti Michaelis vnum denarium pro omni seruicio saluo scutagio quociens euenerit scilicet quantum pertinet ad tantum tenementum de eodem feudo in eadem villa Ego autem Johannes et heredes mei dictas duas acras terre cum pertinentiis suis dicto Alexandro et heredibus vel assignatis suis contra omnes gentes warantizabimus inperpetuum Et in huius rei testimonium presentem cartam sigilli mei impressione roboraui Hijs testibus Johanne Alani Willelmo de Cerde Henrico de Monte sorello Henrico Tulet Johanne de Durneford Willelmo Forestario Johanne de Gerardeston Thoma et Philippo fratribus suis Roberto Maskerel Simone Wyther Johanne Wyther et alijs