Charter Document - 08020104
| Charter Number: | 08020104 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1256 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi ad quos presens scriptum peruenerit quod die Veneris proxima post festum sancti Leonardi Anno regni Regis Henrici filii Regis Johannis quadragesimo primo conuenit inter Dominum Nicholaum de Lackynges Subdecanum Sarum et Dominum Radulphum Vicarium de Cern ex parte vna et Johannem de Maningeford ex altera videlicet quod dictus Johannes remisit et quiete clamauit Episcopo et Capitulo Sarum et hospitali sancti Nicholai eiusdem loci omnes terras et tenementa que ipso die habuit in Gerardeston et totum ius et clamium quod in eisdem habuerit et cartam suam de quieta clamancia dictis Episcopo et Capitulo et hospitali de predictis terris et tenementis confecit et ipsam et seisinam eorundem supradictis sub decano et vicario liberauit liberauit eciam eisdem cartam prioris de Brommor quam fecit Walterus Segar de dimidia virgata terre super quam curia ipsius Johannis scita est et cartam Walteri Segar et duas cartas Mathei le Venur Item terciam cartam Mathei le Venur et septem alias cartas de quieta clamancia et feoffamentis dictam terram tangentes et duas cartas Henrici de Muntsorel de dimidia virgata terre et vnam cartam Walkelini de Rosay de dimidia virgata terre et vnam cartam Martini de Gerardeston de duabus acris terre et vnam cartam Henrici Tulet de pastura duorum aueriorum et xxxij ouium et octo cartas Roberti Maskerel de viginti et nouem acris terre vna crofta et vna picia prati et homagio et seruicio Johannis Wyther et de toto monte et pastura ipsius Roberti et tres cartas tam de escambio terre quam de quieta clamancia clausi ipsius Johannis et vnam cartam Roberti Maskerel factam Thome de Gerardeston de quatuor acris terre in eadem villa et cartam eiusdem Thome de quieta clamancia de eisdem acris et cartam Thome le Venur de quieta clamancia de toto iure suo quod habuit vel habere potuit in vno denario annui redditus et xx acras terre quas idem Johannes tenuit in eadem villa et cartam Matillde matris eiusdem Thome de quieta clamancia de predicta terra Et preterea idem Johannes concessit eisdem Episcopo et Capitulo et hospitali tempus deliberandi sec super securitate de predicta terra habenda vsque ad festum sancti Michaelis proximum futurum Et si infra illud tempus maluerint habere cartam de warantizacione quam predicta scripta et munimenta et totum ius ipsius Johannis vt predictum est predicti subdecanus et vicarius restituent eidem Johanni omnia scripta et munimenta predicta et dictus Johannes faciet supradictis Episcopo et Capitulo et hospitali cartam suam de warantizacione de omnibus predictis terris et tenementis exceptis dotibus cum eas accidere contigerit Et in huius rei testimonium tam supradicti subdecanus et vicarius quam supradictus Johannes presenti scripto sigilla sua alternatim apposuerunt Hijs testibus Domino Johanne de Strode Domino Thoma le Tablir Galfrido Hamelin Reginaldo de Wych Elya Bucher Nicholao de Combe Petro de Kyngesmill Johanne Aleni Philippo Cusyn Johanne de Derneford Thoma le Venur Roberto Frode et alijs