Charter Document - 08020103
| Charter Number: | 08020103 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1255 - 1269 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Matheus le Venur dedi concessi et hac presenti carta mea confirmaui pro me et heredibus meis Johanni de Maningeford pro seruicio suo octo acras terre et vnum mesuagium cum pertinentiis suis in Gerardeston Habendam et tenendam predictam terram cum omnibus pertinentiis suis dicto Johanni et heredibus suis vel cuicunque illam assignare vel legare voluerit de me et heredibus meis libere et quiete inperpetuum Reddendo inde annuatim domino feudi duodecim denarios videlicet ad pascha sex denarios et ad festum sancti Michaelis sex denarios et michi et heredibus meis vnum denarium ad festum sancti Michaelis pro omni seruicio et exactione seculari saluo regali seruicio quantum pertinet ad tantum tenementum in eadem villa Ego vero Matheus et heredes mei dictam terram cum omnibus pertinentiis suis dicto Johanni et heredibus suis vel assignatis suis contra omnes homines et feminas warantizabimus inperpetuum Pro hac autem mea donacione concessione et warantia dedit mihi dictus Johannes tres marcas et dimidiam argenti Et vt hec mea donacio concessio et warantia perpetue firmitatis robur optineant presentem cartam sigilli impressione roboraui Hijs testibus Johanne Alani Willelmo de Cerde Johanne Cusin Waltero Wither Roberto Maskerel Willelmo Forester Willelmo Coco Symone Wither Johanne Wither et alijs