Charter Document - 08020101
| Charter Number: | 08020101 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus de Seles dedi concessi et hac presenti carta mea confirmaui Willelmo de Rosey pro homagio et seruicio suo totam terram et tenementum que aliquando habui in villa de Gerardeston cum prato et pastura bosco et hominibus tam liberis quam seruis reditibus homagijs releuijs wardis mesuagijs curtillagijs gardinis et omnibus alijs pertinentiis suis in omnibus rebus et locis ad predictam terram et tenementum pertinentibus seu aliquo iure pertinere debentibus et cum omnibus escaetis que mihi vel heredibus meis aliquo modo et casu aliquibus futuris temporibus inde possent accidere vel deberent Habendam et tenendam dicto Walkelino et heredibus suis et suis assignatis de me et heredibus meis libere et quiete bene et in pace plenaria et integre et inperpetuum hereditarie Reddendo inde annuatim predictus Walkelinus et heredes sui vel eorum assignati michi et heredibus meis vel nostris ad hoc assignatis duodecim denarios sterlingorum infra Pascha pro omni seruicio exactione seculari et demanda ad me vel heredes meos pertinentibus faciendo eciam capitalibus dominis feodi illius debitum et consuetum seruicium sicut ego facere consueui pro dimidio feodo vnius militis videlicet domino Godefrido de Estchudemor et heredibus suis decem solidos et vnam libram piperis Et domino Johanni de Noeuile sex denarios et vnam libram cumini In festo sancti Michaelis per annum pro omni seruicio saluo seruicio domini Regis sicut pro dimidio feodo vnius militis in eadem villa de eodem feodo Et ego Robertus de Seles et heredes mei prenominatam terram et tenementum plenaria cum omnibus pertinentiis suis expressis et non expressis sicut ipsam terram et tenementum prefatum plenius melius liberius quietius et securius vnquam tenui vel tenere debui prenominato Walkelino et heredibus suis et suis assignatis quocunque tempore voluerit vel sibi placuerit faciendis contra omnes gentes per predictum seruicium et pro centum marcis argenti quas dictus Walkelinus michi dedit in gersumam defendere acquietare et inperpetuum warantizare tenemur Vt autem hec mea donacio et concessio carte huius mee confirmacio et eiusdem warantizacio rata et inconcusse inperpetuum persuerent presentem cartam sigilli mei impressione roboraui Hijs testibus Dominis Galfrido le Chamberleng Ricardo de Derneford militibus Ricardo de Wyggebere Johanne Alani Galfrido de Wyuelesford Henrico Tulet Johanne de Durneford Matheo de Wymerton Nicholao de Chamberlayn de Cumba Petro de Kyngesmuln Waltero Luvell de Winterburn Comitis Willelmo de sancto Benigno clerico et alijs