Charter Document - 08020098
| Charter Number: | 08020098 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Alicia de Wulfertune dedi concessi et hac presenti carta mea confirmaui Dionisie de Martine pro seruicio suo totam illam terram quam Johannes de Seles mihi dedit scilicet vnam virgata terre in villa que vocatur Gerardeston illam dimidiam virgata terre que iacet in campo occidentali ville predicte quam Britnath quondam tenuit cum omnibus pertinentiis et pasturis at tot oues et boues quot pertinent ad predictam dimidiam virgata terre et vnam dimidiam virgata terre que iacet sub mollehuls cum loco molendini et omnibus pertinentiis michi et heredibus meis pertinentibus Tenendam et habendam de me et heredibus meis sibi et heredibus suis libere quiete bene et pacifice ab omni exaccione seculari et demanda Reddendo inde annuatim vnam libram piperis et vnam cumini michi et heredibus meis vel assignatis ad vnum anni terminum scilicet ad festum sancte Edithe pro omni seruicio seculari quantum ad predictam terram pertinet Saluo seruicio domini Regis Pro hac autem donacione et carte mee confirmacione dedit michi dicta Dionysia xl solidos sterlingorum pre manibus Et si dicta Dyonisia de se heredes non habuerit vel humanitus decesserit tota dicta terra ad Willelmum de Martine vel ad heredes suos vel assignatos absque omni impedimento vel contradictione reddibit Et ego predicta Alicia de Wulfertune et heredes mei vel mei assignati warantizabimus dicte Dyonisie et heredibus suis predictam virgata terre cum omnibus pertinentiis suis contra omnes homines et feminas inperpetuum Et vt hec mea donatio et carte mee confirmacio rata et stabilis impostorum perseueret Ego dicta Alicia presentem cartam sigilli mei impressione roboraui Hijs testibus Johanne Alano Henrico Tulet Johanne de Gerardeston Johanne de Hyda Roberto Maskerello Alexandro Brytnath Philippo Cosyn Willelmo Forestario Thoma de Gerardeston Philippo de Gerardeston Rogero Bigge Willelmo Wyther et multis alijs