Charter Document - 08020096
| Charter Number: | 08020096 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1259 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus Maskerel dedi concessi et presenti carta mea confirmaui Johanni de Maningeford quandam peciam prati de terra mea in Gerardeston que iacet inter domum meam et cursum aque et extendit se in latitudine a dicta domo mea vsque ad dictum cursum aque et in longitudine a chimino ante ostium meum vsque ad gardinum Johannis de Gerardeston quam quidem piciam dictus Johannes prius ad firmam tenuit Habendam et tenendam eidem Johanni et heredibus suis vel cuicunque illam in sanitate vel infirmitate dare assignare vel legare voluerit de me et heredibus meis libere et quiete et absque omni seruicio inperpetuum Et ego Robertus et heredes mei supradictam piciamt terre cum pertinentiis suis eidem Johanni et heredibus suis et assignatis suis contra omnes gentes Warantizabimus inperpetuum Et vt hec mea donacio et concessio inperpetuum stabilis permaneat presentem cartam sigilli mei impressione roboraui Hijs testibus Willelmo de Cerde Alexandro de Chelk Rogero filio suo Johanne de Gerardeston Thoma et Philippo de eadem Johanne et Simone Wyther Thoma le Venur et alijs