Charter Document - 08020093
| Charter Number: | 08020093 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1259 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus Maskerel dedi concessi et hac presenti carta mea confirmaui Johanni de Maningford nouem acras terre cum pertinencijs suis in Gerardeston videlicet in campo orientali predicte ville sex acras de quibus vna vocatur la Shortehenedacra et altera iacet inter Muchelecliue et terram Ranulphi Bigge tercia in Northerlocslad inter terram Johannis Gerardeston et terram predicti Ranulphi quarta Binorthe the cumbe in occidentali cultura inter terram Johannis de Gerardeston ex vtraque parte quinta ibidem inter terram dictorum Johannis et Ranulphi et sexta in orientali cultura inter terram dicti Johannis illam scilicet que media est et in campo occidentali tres acras de quibus vna iacet in hulfurlang proxima iuxta Haicum et alia in eadem cultura inter terram dicti Johannis ex vtraque parte et tercia ad Vggedeslinch inter terram Thome de Gerardeston et terram matris sue et pasturam ad tria aueria et triginta oves vbique in pastura mea de Gerardeston quiete de herbagio levantes et cubantes in illo feodo vel alio ad voluntatem tenentis habendam et tenendam dictam terram et pasturam cum pertinentijs suis dicto Johanni et heredibus suis vel cui illam assignare voluerit de me et heredibus meis libere et quiete inperpetuum Reddendo inde annuatim michi et heredibus meis vnum denarium ad festum sancti Michaelis pro omni seruicio sectis querelis et exactione seculari saluo regali seruicio quantum pertinet ad tantum tenementum de eodem feudo in eadem villa Ego autem Robertus et heredes mei dictam terram et pasturam cum omnibus pertinentijs suis dicto Johanni et heredibus suis vel assignatis suis sicut predictum est contra omnes gentes Warantizabimus inperpetuum per predictum seruicium Et vt hec mea donacio concessio et warantia firma et stabilis inperpetuum permaneat presentem cartam sigilli mei impressioni roboraui Hijs testibus Willelmo de Cerde Johanne Alani Henrico Tulet Johanne de Gerardeston Johanne de Derneford Johanne de Perham Alexandro de Trowe Thoma de Gerardeston Willelmo Forestario Johanne Wyther Alexandro de Chelk Roberto Frode et alijs