Charter Document - 08020090
| Charter Number: | 08020090 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus Maskerel dedi concessi et hac presenti carta mea confirmaui Deo et Episcopo Capitulo Saresber et hospitali sancti Nicholai eiusdem loci homagium et seruicium Adam Tulet et redditum vnius dimidie libre Cumini et cetera seruicia que idem Adam et antecessores sui michi reddere consueuerunt pro vno manso quod vocatur la Burstede ex parte aquilonari capelle beati Nicholai in Gerardiston preterea concessi et quiete clamaui et hac presenti carta mea confirmaui de me et heredibus meis Deo et dictis Episcopo Capitulo et hospitali omnes donaciones terrarum cum pasturis reditibus seruicijs releuijs et omnibus alijs pertinencijs et esceatis quas Johannes de Maningeford remisit et quiete clamauit predicto hospitali per cartam suam Dedi insuper et concessi et quiete clamaui de me et heredibus meis Deo et predictis Episcopo Capitulo et hospitali totum ius et dominium quod habui vel habere potui in terris tenementis pratis pasturis spinetis montibus vallibus Introitibus exitibus et omnibus liberis consuetudinibus quascunque ego vel antecessores mei habuerunt et sectis curie ad me vel heredes meos pertinentibus Et in homagijs seruicijs releuijs et omnibus alijs esceatis cum quibuscunque pertinencijs suis que percipere consueui vel debui vbicunque sint in feodo quod meum fuit vel esse poterunt in Gerardeston et alibi sine aliquo retene mento mei vel heredum meorum inperpetuum dedi eciam et concessi Deo et memorato Episcopo Capitulo et hospitali Saresbiriens capitale mansum meum cum omnibus pertinencijs suis sine aliquo retene mento mei vel heredum meorum Ita videlicet quod nullus heredum meorum quicunque fuerint aliquod ius in predicto manso vel aliquibus cumque alijs supradictis sibi iure hereditario vendicare possit inperpetuum Et vt hec omnia predicta pro me et heredibus meis firmitatis robur obtineant inperpetuum presenti carte mee sigillum meum apposui Hijs testibus Johanne de la Hyde Henrico de Monte Sorel Philippo Cusin Johanne de Gerardeston Thoma de Gerardeston Philippo de Gerardeston Rogero Coco Rogero filio Alexandri Johanne Whither Simone Whyther Johanne le Bigge et multis alijs