Charter Document - 08020089
| Charter Number: | 08020089 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod Ego Robertus Maskerel dedi concessi vendidi et presenti carta mea confirmaui Episcopo et Capitulo Sarum et hospitali sancti Nicholai eiusdem loci pasturam duorum aueriorum liberam et quietam de omni pannagio et herbagio inperpetuum quam michi prius retinueram in quadam vendicatione facta quondam Johanni de Maningeford Dedi eciam eisdem et concessi remisi et quiete clamaui de me et heredibus meis totum jus et clamium quod habui vel aliquo modo habere potui in duabus denariatas annui redditus et in vna librata piperis et in tribus eciam libratis cumini cum pertinencijs suis omnibus In quibus michi et heredibus tenebantur per annum aut teneri possent et deberent pro omni tenemento cum pertinencijs quod de me et antecessoribus meis heredibus vel assignatis meis vmquam tenuerunt in villa de Gerardeston Concessi insuper eisdem et presenti carta mea confirmaui omnes donaciones et vendicaciones terrarum et tenementorum et rerum omnium aliarum cum omnibus pertinencijs suis quas Willelmus de Rosey et Johannes de Maningeford eisdem dederunt et per cartas suas quas inspexi omnes concesserunt Totas preterea donaciones et vendicaciones omnium antecessorum meorum terrarum et tenementorum reddituum et rerum omnium aliarum cum pertinencijs suis de feodo nostro quocunque modo alienatarum quas predicti Episcopus et Capitulum aut Hospitale memoratum perquirere poterunt inposterum Habenda et tenenda omnia preconcessa predictis Episcopo Capitulo et hospitali et successoribus suis libere et quiete bene et in pace plenaria et integre In omnibus rebus et locis ad omnia predicta et preconcessa quocunque pertinentibus aut pertinere debentibus absque vllo clamio mei vel heredum meorum vel aliorum assignatorum meorum inperpetuum Pro hac vero donacione concessione remissione quieta clamancia carte huius mee confirmacione et eiusdem warantizatione inperpetuum facienda recepi ab eisdem octodecim solidos sterlingorum per manus domini Nicholai de Lakkinges tunc Subdecani Sarum procuratoris eorum in gersumam pre manibus In cuius rei robur et perenne testimonium presenti carte sigillum meum apposui Hijs testibus Dominis Thoma de Tabler Roberto de London militibus Radulpho et Hyldebrando filijs dictorum dominorum Thoma et Roberto Johanne Alano Johanne filio suo Willelmo Forestario de Wodemanston Henrico filio suo Johanne filio Adam de Gerardeston Adamo Tulet et alijs Actum in crastino sancti Nicholai Anno gratie Millesimo Ducentesimo quinquagesimo sexto