Charter Document - 08020088
| Charter Number: | 08020088 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1232 - 1246 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Martinus de Gerardeston dedi concessi et presenti carta mea confirmaui Johanni de Maniford duas acras terre cum pertinencijs suis in Gerardeston de quibus vna acra iacet in la cumbe inter terram persone de Gerardeston ex vtraque parte et alia in eadem cultura inter terram persone de Gerardeston et terram Henrici Tulet cum pastura ad tantam terram pertinente et cum omnibus alijs pertinencijs suis habendas et tenendas dictas duas acras cum pertinencijs suis dicto Johanni et heredibus suis vel cuicunque in sanitate vel infirmitate dare vel legare voluerint de me et heredibus meis libere et quiete inperpetuum reddendo inde annuatim ad festum sancte Edithe mihi et heredibus meis dimidiam libram cumini pro omni seruicio et demanda seculari ad me et ad heredes meos pertinentibus Et ego Martinus et heredes mei dictas duas acras cum pertinencijs suis dicto Johanni et heredibus suis vel assignatis suis contra omnes gentes warantizabimus inperpetuum Et vt hec mea donacio et concessio perpetue firmitatis robur obtineant presentem cartam sigilli mei impressione roboraui Hijs testibus Willelmo de Cerde Alexandro de Chelk Henrico Tulet Thoma et Philippo de Gerardeston Symone et Johanne Wethir Thoma le Veneur Roberto Mascarel Roberto Frode et alijs