Charter Document - 08020085
| Charter Number: | 08020085 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1256 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod Ego Henricus filius Willelmi forestarij de Wodmanton dedi concessi et hac carta mea confirmaui Deo et Episcopo et capitulo Sarum et hospitali sancti Nicholai eiusdem loci totum pratum cum pertinencijs suis omnibus quod habui in villa de Gerardeston totum scilicet illud pratum cum pertinencijs quod Johannes de Maniford de me ad firmam aliquando tenuit in eadem villa excepto messuagio cum pertinencijs quod situm est ad caput eiusdem prati orientale Et quod quidem pratum iacet inter aquas eiusdem ville ex vna parte et regale chiminum ex altera Habendum et tenendum predictis episcopo et capitulo et hospitali memorato et successoribus suis libere et quiete bene et pacifice plenaria et integre excepto messuagio cum pertinencijs predicto et absque vllo alio retine mento vel clamio eiusdem prati mei vel heredum meorum aut aliquorum nostrorum assignatorum inperpetuum Pro quatuor marcis argenti quas ab eis recepi in gersumam pre manibus pro omni seruicio exaccione seculari querela sectis curie et omnibus consuetudinibus et de mandis ad me et heredes meos et quoscunque alios pertinentibus Saluo regali seruicio quantum pertinet ad tantum terre in eadem villa de eodem feodo cum generaliter acciderit per Angliam Et ego Henricus et heredes et assignati mei predictis episcopo et capitulo et hospitali prenominato et successoribus suis omnibus totum predictum pratum cum omnibus pertinencijs per predictum seruicium contra omnes homines et feminas inperpetuum warantizabimus defendemus et acquietabimus Que ne in posterum aliquibus futuris temporibus reuocentur in dubium presenti carte sigillum meum duxi apponendum Hijs testibus Dominis Thoma le Tabler Roberto de London militibus Radulpho et Hildebrando filijs predictorum dominorum et alijs Acta in crastino sancti Nicholai anno gratie MCCLVJ