Charter Document - 08020083
| Charter Number: | 08020083 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Johannes de Girardeston dedi et concessi et hac presenti carta mea confirmaui Henrico de Monte sorel pro homagio et seruicio suo sex acras terre et pasturam vnius auerij et xvj ouium quietam de herbagio quas tenui de Roberto Mascarel in villa de Girardeston per cartam suam videlicet tres acras in vno campo et tres in altero In campo vero orientali duas acras in parte aquilonari de la Cumba sub terra Ranulphi Bigge se extendunt super heggeweye Et vnam acram in the thwange que se extendit super michel clyve In campo vero occidentali duas acras in parte aquilonari de la Cumba iuxta acram dicti Johannis que se extendit super heggeweye et vnam acram in parte occidentali de glydecumba que se extendit in glidecumba Habendas et tenendas predicto Henrico et heredibus suis vel suis assignatis vel cuicunque aut quibuscunque sanus vel eger dare vendere legare vel assignare voluerit libere quiete et integre inperpetuum Reddendo inde annuatim ipse et heredes sui vel assignati mihi et heredibus meis vnum denarium ad pascha pro omni seruicio consuetudine exactione seculari et demanda ad me vel heredes meos pertinente Saluo seruicio regali ad tantam terram pertinente de eodem feudo in eadem villa Ego vero dictus Johannes et heredes mei dictas sex acras cum pastura predicta predicto Henrico et heredibus suis contra omnes homines et feminas inperpetuum warantizabimus et versus omnes gentes defendemus et per predictum seruicium acquietabimus Pro hac vero donacione concessione et carte mee confirmacione et warantia dedit mihi dictus Henricus xx solidos in gersumam Et vt hec mea donacio concessio et carte presentis confirmatio et warantia robur perpetue firmitatis obtineant presentem cartam sigilli mei munimine firmiter roboraui Hijs testibus Johanne Aleyn Henrico Tulet Johanne de Durnford Willelmo Fovster Henrico filio suo Philippo Cosyn Alexandro Brichtnal Rogero filio suo et alijs