Charter Document - 08020080
| Charter Number: | 08020080 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1253 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod Ego Walkelinus de Rosey dedi et concessi et hac presenti carta mea confirmaui Willelmo de Bonham et Cristine filie eiusdem Willelmi illam domum que sita est inter domum Walteri de la Clyve et fontem que vocatur fons beate Marie in Gerardiston Habendam et tenendam de me et heredibus meis siue assignatis meis ad vitam vtriusque Willelmi et Cristine reddendo inde annuatim mihi et heredibus meis siue assignatis meis duos solidos ad quatuor anni terminos Scilicet ad natale vj denarios ad pascha vj denarios ad natiuitatem sancti Johanni baptiste vj denarios et ad festum sancti Michaelis vj denarios pro omni seruicio et seculari demanda mihi et heredibus meis siue assignatis pertinentibus Et Ego Walkelinus de Rosay et heredes mei siue assignati mei contra omnes homines warantizabimus dictam domum cum curtilagio dictis Willelmo et Cristine quamdiu vixerint et post decessum vtriusque Willelmi vel Cristine predicta domus cum curtilagio reuertetur sine impedimento mihi vel heredibus siue assignatis meis Et vt hec mea donacio rata stabilis et inconcussa quo ad vitam vtriusque predictorum Walkelinus et Cristine perseueret huic presenti scripto sigillum meum apposui Datum apud Kaneford in crastino beati Michaelis in monte tumba anno regni Henrici xxxvij Hijs testibus Willelmo de C[erde] Johanne Aleyn Johanne de Gerardeston et alijs