Charter Document - 08020077
| Charter Number: | 08020077 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1233 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Godefridus de Scudamour miles dedi concessi remisi et quiete clamaui pro me et heredibus meis magistro hospitalis sancti Nicholai ad pontem Nouarum Sarum et fratribus sanis et infirmis eiusdem hospitalis ibidem Deo seruientibus decem solidatas annui redditus quas percipere consueui annuatim de duabus carucatas terre cum pertinencijs in Gerardeston et eciam in redditu vnius libre piperis et vnius libre cumini quem redditum consueui percipere annuatim de eadem terra Concessi eciam pro me et heredibus meis quod de cetero non poterimus exigere habere vel clamare versus predictos magistrum et fratres et eorum successores vel versus predictum hospitale homagium custodiam releuium vel sectam curie mee vel heredum meorum occasione predictarum duarum carucatam terre cum pertinencijs quas predicti magister et fratres tenent in predicta villa de Gerardeston et quas habent de dono Walkelini de Rosey juro volo et concedo quantum ad me et heredes meos pertinet quod predicti magister et fratres teneant predictam terram cum pertinencijs in eadem villa libere et quiete et pacifice absque omni seruicio consuetudine et exactione seculari quod ad me vel heredes meos pertinent vel possent aliquibus temporibus succedentibus pertinere Et pro hac donacione et concessione remissione et quieta clamancia dederunt mihi predicti magister et fratres xxv marcas sterlingorum Et vt hec mea donacio et concessio remissio et quieta clamancia firme et stabiles perseuerent huic scripto sigillum meum apposui Hijs testibus Dominis Johanne de Cherburgh Thoma de Tabler Ricardo de Durneford Willelmo de Grymstede militibus Willelmo de Wurton Henrico de Dun Galfrido de Wiuellesford Johanne Alani Johanne de Peram Johanne de Maningford Henrico Tulet Henrico de Montsorell Willelmo de sancto Benigno clerico et alijs