Charter Document - 08020069
| Charter Number: | 08020069 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1227 |
| Date type: | Internal, A.D., Calendar |
| Resource Link(s): |
|
Charter:
Omnibvs Christi fidelibus ad quos presens scriptum pervenerit Ela Comitissa Sarum salutem in Domino Nouerit vniuersitas vestra me intuitu Dei et pro salute anime domini mei Willelmi Longspee Comitis Sarum et pro salute anime mee et pro animabus patris et matris mee liberorum antecessorum et heredum meorum dedisse concessisse et presenti charta confirmasse Deo et Hospitali sancti Nicholai de noua Sarum et venerabili in Christo patri Richardo episcopo et successoribus suis episcopis Sarum ad sustentationem pauperum et infirmorum [eiusdem] hospitalis quod plene est in ordinatione predictorum Richardi episcopi et successorum suorum episcoporum Sarum totam terram clausi mei australis de Bentlewood que mihi remansit post donum quod feci Johanni de Monemue Willelmo de Neuill Alluredo de Boterell persone de West Deane per concordiam coram Justiciarijs itinerantibus inter me et ipsos factam cum bosco et assarto pratis et pasturis vijs et semitis libertatibus et liberis consuetudinibus et omnibus alijs rebus ad eandem terram pertinentibus cum clauso de Buclea Concessi etiam predicto hospitali sexaginta aneria cum exitibus vnius anni et duodecim equos vel equas et sexaginta porcos et trecentas oves Habenda in perpetuum libere et quiete in pastura per omnia loca vbi predicti Johannes de Monemue Willelmus de Neuill Alluredus de Boterell persona de West Deane habent mecum communia vel ego cum eis omnia autem predicta habebunt et tenebunt prefati hospitale sancti Nicholai Richardus episcopus et successores sui episcopi Sarum in puram et perpetuam elemosinam libere et quiete ab omni servitio et seculari exactione Ego vero et heredes mei totam prenominatam terram cum omnibus pertinentijs et cum tota predicta communia sicut predictum est Deo et supradictis hospitali sancti Nicholai et Richardo episcopo et successoribus suis episcopis Sarum contra omnes homines et feminas warantizabimus Et in huius rei testimonium presenti scripto sigillum meum apposui Hijs testibus Domino Stephano Abbate de Stanley Magistris Elia de Beth Luca Henrico de Byssopston canonicis Sarum Willelmo Clerico tunc senescallo meo Rogero de Calne tunc vicecomite Wiltes Willelmo Gilebert Johanne le Daveis Hugone de Broys Roberto de Hokanham Henrico de Albinacis Hamone de Bakhampton Richardo de Poulesholt militibus Michaele de Childruntun Willelmo de Derneford et multis alijs Datum apud Castrum Veteris Sarum Anno ab incarnatione Dominica [Millesimo] ducentesimo vicesimo Septimo quarto decimo kalendas Septembris