Charter Document - 08020066
| Charter Number: | 08020066 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1261 - 1263 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Brianus de Badiston dedi concessi et hac presenti carta confirmaui Deo et Domui sancti Nicholai Sarum in puram et perpetuam elemosinam ad sustentacionem vnius lampadis ardentis coram infirmis ibi existentibus inperpetuum sex solidatas et quatuor denariatas redditus annui per predict annuatim in ciuitate nouarum Sarum de Johanne Styl et heredibus suis vel assignatis de quodam tenemento quod idem Johannes de me tenuit ad feodi firmam et de cetero inperpetuum tenebit de predicta domo sancti Nicholai Sarum et est situm illud tenementum in Est strete versus Winton videlicet vbi itur versus Winton inter tunc tenementum Willelmi Aubyn et tunc tenementum Roberti le Turnour Et sciendum est quod custodes dicte domus sancti Nicholai quicunque fuerint pro tempore acquietabunt dictum tenementum de redditu annuo versus dominum Sarum quicunque fuerint pro tempore ad terminos in ciuitate predicta statutos videlicet de duodecim denariis et iij quadrantibus inperpetuum Quare volo et firmiter concedo pro me et heredibus meis quod predicta domus sancti Nicholai Sarum habeat et teneat predictas sex solidatas et quatuor denariatas redditus annui inperpetuum vt predictum est adeo libere et quiete prout vmquam aliqua elemosina liberius et quiecius dari poterit Ita quod nec ego Brianus nec heredes mei aliquid Jure vel clamei in predictas sex solidatas et quatuor denariatas redditus annui clamare nec habere poterimus inperpetuum In cuius rei robur et perenne testimonium presenti scripto sigillum meum apposui Hijs testibus Galfrido Hamelin tunc baliuo Sarum Reginaldo de Wich tunc maiore Gilberto Chynne et Willelmo Aubyn tunc coronatoribus Henrico le Dun et Hamone de Liswys tunc prepositis Nicholao de Sancto Quintino Aubino le Tannour Ricardo de Aune et multis alijs