Charter Document - 08020063
| Charter Number: | 08020063 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1298 |
| Date type: | Internal, Feast, Regnal |
| Resource Link(s): |
|
Charter:
Pateat vniuersis presens scriptum visuris vel audituris quod die Dominica proxima post festum sancti Jacobi apostoli Anno regni Regis Edwardi vicesimo sexto conuenit inter Dominum Robertum de Godalmyng Magistrum Domus siue Hospitalis sancti Nicholai Sarum et fratres eiusdem Domus ex parte vna et Rogerum Nosegod Ciuem Noue Sarr ex parte altera Ita videlicet quod predictus Rogerus concessit ac licenciam dedit pro se et heredibus vel assignatis suis inperpetuum predictis Magistro et Fratribus et eorum successoribus construere et iungere quandam eorum domum domini predicti Rogeri site in predicta Ciuitate in vico qui vocatur Brownstrete iuxta tenementum predictorum magistri et Fratrum in parte boreali Concessit insuper predictus Rogerus predictis magistro et Fratribus et eorum successoribus ad construendum vnum dormientem super domum eiusdem Rogeri proprijs sumptibus eorundem magistri et Fratrum predictorum Ita quod ipse et successores sui proprijs sumptibus eorum predictum dormientem cum pertinencijs sustinebunt inperpetuum Ita quod predictus Rogerus heredes vel assignati sui causa predicte iuncture aut dicti dormientis custodiantur omnino indemnes sine contradiccione alicuius Pro hac autem concessione et licencia dederunt predicti Magister et Fratres predicto Rogero vnam marcam argenti pre manibus in pecunia numerata Et vt hec conuencio firma sit et stabilis inperpetuum partes memorate partibus huius scripti bipartiti alternatim sigilla sua opposuerunt Hijs testibus Reginaldo de Todeworth tunc maiore Sarr Johanne le Stut et Philippo Aubyn tunc Coronatoribus Johanne de Knowell et Johanne Springham tunc Prepositis Johanne de Melcote Henrico Baudry Thoma Clerico et alijs Datum Sarr die et Anno supra scriptis