Charter Document - 08020060
| Charter Number: | 08020060 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1261 - 1263 |
| Date type: | Assigned |
| Resource Link(s): |
|
Charter:
Sciant presentes et futuri quod ego Brianus de Badeston concessi ad feodi firmam tradidi et hac presenti carta mea confirmaui Willelmo de Niweton quandam partem tenementi mei in Ciuitate Nouarum Sarr in nouo vico Que quidem pars tenementi continet in fronte super predictum vicum duas perticatas terre et duos pedes et computatis nouem decem pedibus a fronte in longitudine continet ibi latitudo duas perticatas terre et sex pedes in latitudine retro super aquam duas perticatas terre et sex pedes In vtraque longitudine octo perticatas terre habendas et tenendas dicto Willelmo et heredibus suis vel assignatis de me et heredibus meis vel assignatis libere quiete bene et in pace plenaria et integre iure et hereditario inperpetuum Reddendo inde annuatim michi et heredibus meis vel assignatis septem solidos et quatuor denarios sterlingorum ad quatuor anni terminos videlicet ad Natiuitatem Domini viginti et duos denarios ad pascha viginti et duos denarios ad Natiuitatem sancti Johannis Baptiste viginti et duos denarios et ad festum sancti Michaelis viginti et duos denarios et Domino Sarr quicunque fuerit pro tempore decem denarios ad terminos [] salua michi [] fidelitate quam predicti Willelmus [] sustinebunt itaque [] Ego vero Brianus et heredes mei vel assignati predicto Willelmo et heredibus suis vel assignatis dictam partem tenementi predicti cum omnibus pertinentiis suis per predictum seruicium contra omnes homines et feminas Warantizabimus inperpetuum In cuius rei testimonium tam predictus Willelmus quam ego Brianus sigilla nostra huic scripto bipartito mutuo apposuimus Hijs testibus Galfrido Hamelyn tunc Baliuo Sarum Reginaldo de Wichio tunc Maiore Johanne Spec tunc Coronatore Ricardo Chinne et Willelmo Pynnoc tunc prepositis Nicholao de Sancto Quintino Elya Buche Gilberto Chynne Albino le Tanner Willelmo le Hanecoch Hamone Clerico et alijs