Charter Document - 08020058
| Charter Number: | 08020058 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1265 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Niweton de voluntate et assensu Albrede vxoris mee tunc mecum personaliter in plena Curia Ciuitatis Nouarum Sarum comparentis et concedentis quietum clamaui et hac presenti carta mea confirmaui pro me et heredibus meis Warino de Harnham Pistori totum Jus quod habui in Ciuitate pretacta Quod quidem tenementum cum pertinencijs situm est in nouo vico inter tenementum Magistri Ricardi de Sarr et tunc tenementum Willelmi de Langeford habendum et tenendum dicto Warino et heredibus suis vel assignatis de Domino memorate Ciuitatis in capite libere quiete bene et in pace plenaria et integro iure et hereditarie inperpetuum Reddendo inde annuatim Domino qui fuerit pro tempore decem denarios sterlingorum ad terminos in Ciuitate predicta statutos et Domni beati Nicholai Sarum septem solidos et quatuor denarios ad terminos in Cirographo confecto inter me et Brianum de Badeston contentos De quo quidem cyrographo predictus Warinus habet partem meam penes se pro omni seruicio Saluis debitis et vsitatis consuetudinibus ad prenotatam Ciuitatem spectantibus Ita quod nec ego Willelmus nec predicta Albreda uxor mea nec heredes nostri aliquid juris vel clamij in dicto tenemento cum pertinencijs clamare nec habere poterimus inperpetuum Pro hac autem feodi firma et quieta clamancia habenda dedit michi et predicte Albrede vxori mee dictus Warinus septem marcas argenti et eidem Albrede duodecim denarios pre manibus In cuius rei robur et testimonium presenti carte sigillum meum apposui Hijs testibus Galfrido Hamel[in] tunc Baliuo Sarum Willelmo Aubyn tunc maiore Gilberto Chynne tunc Coronatore Henrico de Mund Adam de Bathampton tunc preposito Hamone de Liswis Alexandro de Ramesbiri Hamone Clerico et alijs