Charter Document - 08020055
| Charter Number: | 08020055 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1231 - 1245 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Willelmus de Wande filius et heres Henrici de Wande dedi concessi et presenti carta mea confirmaui Roberto de Wande fratri meo pro seruicio suo totam terram cum pertinencijs quas habui in Haram et Homynton In dominicis reditibus wardis releuijs homagijs escaetis seruicijs et seruagijs liberorum hominum et villanorum scilicet seruicijs liberorum et seruagijs villanorum in pratis et pasturis vijs semitis dranis et libertatibus et liberis consuetudinibus et in omnibus rebus et locis ad predictam terram pertinentibus Habendam et tenendam de me et heredibus meis predicto Roberto et assignatis suis et assignatorum heredibus et assignatis libere et quiete bene et pacifice plenaria et integre Reddendo inde annuatim mihi et heredibus meis vnum par Cirothecarum vel vnum denarium ad pascha pro omni seruicio exactione seculari et demanda Saluis duabus sectis per annum ad hundredum de Caudon videlicet ad terminum de Hokkeday et ad festum sancti Martini Et ego Willelmus et heredes mei predicto Roberto et assignatis suis et assignatorum heredibus et assignatis totam predictam terram cum omnibus pertinencijs suis per predictum seruicium contra omnes Christianos et iudeos inperpetuum warantizabimus defendemus et acquietabimus Pro hac vero donacione et concessione dedit predictus Robertus xl marcas argenti in gersumam pre manibus Et vt hec mea donacio et concessio rata et inconcusse inperpetuum perseuerent presentem cartam sigilli mei impressione roboraui Hijs testibus Willelmo Gereberd Henrico de Buyn Nicholao le Chamberleyn de Combe Petro de Kyngesmyll Willelmo le Botiller Waltero de Camera Reginaldo de Homynton Thoma Ruffo de Cumba Willelmi le Frankleyn et alijs