Charter Document - 08020049
| Charter Number: | 08020049 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1237 - 1257 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Wande Clericus dedi concessi et hac presenti carta confirmaui Deo et beate Marie et hospitali sancti Nicholai Sarr et Fratribus et sororibus ibidem Deo seruientibus et successoribus suis in puram et perpetuam elemosinam totam terram cum messuagijs quas habui de Willelmo de Wandel Fratre meo in Harram et Humminton in dominicis reditibus wardis releuijs homagijs escaetis seruicijs et seruagijs liberorum hominum et villanorum cum pratis et pasturis vijs et semitis et cum omnibus pertinencijs libertatibus et liberis consuetudinibus ad dictam terram pertinentibus Dedi insuper et concessi eisdem fratribus et sororibus quartam partem vnius acre terre quam habui de Ricardo le Schuner Item dedi et concessi eisdem fratribus et sororibus vnam piceam terre quam habui de Elya Tylye Preterea dedi et concessi eisdem Fratribus et sororibus duas acras terre arabilis in Campo de Westharram et duas acras prati quas habui de Thoma le Frankleyn de Westharram cum pastura duorum animalium et cum omnibus pertinencijs suis Item dedi et concessi eisdem fratribus et sororibus vnam dimidiam acram terre quam habui de Willelmo le Frankeleyn de Westharram Item dedi et concessi eisdem fratribus et sororibus vnam dimidiam acram terre quam habui de Thoma Gromet filio predicti Willelmi le Frankleyne cum omnibus pertinencijs suis Habenda et tenenda omnia predicta predicto hospitali et predictis Fratribus et sororibus et eorum successoribus libere et quiete bene et pacifice integre et hereditarie inperpetuum Reddendo inde annuatim michi et heredibus meis vel meis assignatis vnum clauum Gariofili et Capitali domino feodi sex denarios Et Willelmo Fratri meo predicto vnum par cyrotecharum vel unum denarium ad pascha et Thome le Frankleyn de Westharram sex denarios ad festum sancti Michaelis pro omnibus seruicijs exaccionibus secularibus et de mandis saluis duabus sectis per annum ad hundredum de Caudon videlicet ad le Hokday et ad festum sancti Martini Et ego predictus Robertus de Wande et heredes mei vel mei assignati predicto hospitali et Fratribus et sororibus predictis et eorum successoribus totam predictam terram cum omnibus pertinencijs suis et omnia prenominata per predicta seruicia contra omnes gentes Christianos et iudeos inperpetuum warantizabimus defendemus et acquietabimus Pro hac vero donacione et concessione et huius carte mee confirmacione dederunt michi predicti Fratres et sorores Centum sexaginta et decem marcas sterlingorum pre manibus Et vt hec mea donacio concessio et huius carte mee confirmacio rata et inconcusse inperpetuum perseuerent presentem cartam Sigilli mei impressione roboraui Hijs testibus Dominis Johanne de Grymstede Thoma le Tabler Willelmo de Durneford Johanne Munemue militibus Willelmo Gilbert Willelmo le Buteler Johanne de Langeford Galfrido Hamelyn Adam de Cnolle Thoma de Ponte Thoma le Rede de Westharram Willelmo de Stowa Clerico et alijs