Charter Document - 08020048
| Charter Number: | 08020048 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1237 - 1257 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Wanz dedi concessi et hac presenti carta mea confirmaui Waltero [Reve] preposito de Harnham et Alicie vxori sue et eorum heredibus vel assignatis quandam peciam terre mee in Estharnham illam scilicet que iacet inter terram Helye et terram Johannis de la More et extendit se dicta pecia vsque ad viam qua itur versus Combe in qua sita est vna domus de nouo edificata habendam et tenendam dictam peciam terre et domum predictam dictis Waltero et Alicie vxori eius et eorum heredibus vel assignatis de me et heredibus meis vel meis assignatis libere quiete et integre iure hereditario inperpetuum Reddendo inde annuatim michi et heredibus meis vel assignatis predicti Walterus et Alicia vxor eius et heredes sui vel eorum assignati duos denarios noue et legalis monete Ad quatuor anni terminos videlicet ad Natiuitatem Domini ad Pascha ad Natiuitatem sancti Johannis Baptiste et ad Festum sancti Michaelis pro equalibus porcionibus pro omnibus seruicijs consuetudinibus exaccionibus et de mandis secularibus Ego vero Robertus et heredes mei vel mei assignati dictam peciam terre vna cum predicta domo predictis Waltero et Alicie uxori sue et heredibus suis vel eorum assignatis contra omnes homines et feminas per predictum redditum warantizabimus et defendemus inperpetuum In cuius rei testimonium huic presenti carte sigillum meum apposui Hijs testibus Willelmo le Buttler Petro de Kyngesmulle Thoma de Ponte Alexandro de Harnham Willelmo de Wan et alijs