Charter Document - 08020047
| Charter Number: | 08020047 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1237 - 1257 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Henrici de Estharnham dicti de Wanz dedi concessi et hac presenti carta mea confirmaui [Osberto] de Ham Pellipario et Margerie vxori sue pro homagio suo vnam dimidiam acram terre in villa de Harn que iacet in longitudine contra la Pondfolde inter terram Rogeri Sniggebit et terram Johannis de Mora Habendam et tenendam dictam dimidiam acram terre predicto Osberto et Margerie uxori sue et heredibus suis vel suis assignatis vel cuicunque eam dare vendere legare vel assignare voluerint exceptis iudeis et viris religiosis de me et heredibus meis vel meis assignatis libere quiete bene et in pace plenaria et integre iure hereditario inperpetuum Reddendo inde annuatim michi et heredibus meis vel assignatis dictus Osbertus et Margeria uxor sua et heredes sui vel sui assignati sex denarios ad duos anni terminos scilicet ad Pascha tres denarios et ad festum sancti Michaelis tres denarios pro omni seruicio seculari exaccione et demanda Et ego predictus [Robertus] et heredes mei vel mei assignati predicto Osberto et Margerie uxori sue et heredibus suis vel suis assignatis totam dictam dimidiam acram terre contra omnes gentes warantizabimus acquietabimus et defendemus inperpetuum Pro hac autem donacione concessione et presentis carte mee confirmacione necnon et warantizacione dedit michi dictus Osbertus et Margeria uxor eius quatuor solidos sterlingorum pre manibus Et vt hec mea donacio concessio et presentis carte mee confirmacio necnon et warantizacio rata et stabiles inperpetuum permaneant presentem cartam sigilli mei impressione roboraui Hijs testibus Willelmo le Botiller de Britford Petro de Kyngesmuln Thoma de Ponte de Haran Waltero de Ponte de Langf[ord] Edmundo Falk Alexandro viro Dame Loue Symone le Norays Petro le fol de Brytford Waltero tunc Clerico de Ecclesia de Brutford Johanne de Mora et alijs