Charter Document - 08020045
| Charter Number: | 08020045 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1253 - 1267 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus filius Walteri [Reve] prepositi de Estharnham dedi concessi et hac presenti carta mea confirmaui Waltero Shireborn de domo beati Nicholai Sarum quandam peciam terre cum domo super edificata in Estharnham que quidem pecia iacet inter terram Elye et terram Johannis de la More et extendit se vsque ad viam que extendit se versus Cumbe Tenendam et habendam dictam peciam terre cum domo predicta de Capitalibus Dominis feodi dicto Waltero et heredibus suis vel cuicumque dare vendere legare vel assignare voluerit libere quiete pacifice et Jure hereditario inperpetuum Reddendo inde annuatim capitalibus Dominis feodi quicunque pro tempore fuerint dictus Walterus et heredes sui vel assignati duos denarios ad quatuor anni terminos principales et usitatos pro equali porcione pro omnibus seruicijs consuetudinibus et secularibus de mandis Et ego Walterus filius Walteri prepositi heredes vel assignati mei dictam peciam terre cum domo predicta dicto Waltero de Schyreborn et heredibus suis vel assignatis per predictum redditum contra omnes gentes Warantizabimus acquietabimus et defendemus inperpetuum Pro hac autem donacione concessione carte confirmacione et warentia dedit michi sepe dictus Walterus de Schireburn duas marcas argenti pre manibus Et vt hec mea donacio concessio carte confirmacio perpetue firmitatis robur optineant presentem cartam sigilli mei impressione roboraui Hijs testibus Adam de Kyngesmell Waltero de Ponte Elya de Gudford Johanne de la More Philippo Butstep Rogero le Brithere Rogero Gille et alijs